客家商業用語會話(一)：683第十五課商品效用介創造與防護　(課文一字一語對照錄音&導讀)

【記者廖金明／專欄報導】

◆(本文一字一語對照錄音&導讀(42:33分)→https://drive.google.com/file/d/1HLZrlfOf9zzbNXwhPIiaNQy-11ME30KV/view?usp=sharing

◆本文(感謝李文煥鄉親整理貼文youtube可點本文資料來源:)→https://www.youtube.com/watch?v=ZZn3XY9h1CM

◇文中人物：阿財,財嫂,阿德。

阿德：阿財！你樣(仰)ngiongˋ會對做生理用語學術sud恁anˋ有興him趣qi呢?

阿財：係he唉aiˊ ！𠊎感覺到你學問當飽,口才又滑vad流,有了veˇ生理用語學術sud以後,做生理liˊ也iaˊ較go方便較容易啊iaˇ！

阿德：無moˇ唔著cog！客語有一句話講[人戇ngong就辛苦噢voˊ！所以人愛學較精兜deuˊ地ve ˊ！

阿財：所以啊iaˇ𠊎正會向你來求學！

阿德！你今晡buˊ日愛同𠊎講麼介主題啊iaˇ！

財嫂：等啊na咧le！吂mangˇ亂講啊ngaˇ！𠊎衫褲曬sai啊ia會好了veˇ,𠊎愛分享hiongˋ啊ngaˇ！

阿德：好啦！會等你ngˇ！衫褲唔好moˋ顛dienˊ倒do頭曬sai噢ioˊ！

阿財：係he~！,吾ngaˊ婦人家求學精神實在好！嘎ga就tu等伊iˇ,無會譴kienˋ呢neˊ！

阿德：好！嘎ga就tu食一柸茶了veˇ才來講！

阿財：來來來！𠊎來斟ziimˊ茶！

阿德：阿財！惹ngiaˊ姐jiaˋ仔veˋ當湊(鬥)deu搭dabˋ又煞sadˋ猛mangˊ噢ngoˊ！

阿財：嘎ga無moˇ𠊎奈nai會有恁樂線！

阿德：來噢io！財嫂手板當遽giag ˋ,來了ieˇ噢io！

財嫂：阿德先xinˊ生sangˊ！今晡日愛講麼magˋ介主題啊iaˇ?

阿德：今晡日愛講[商品效用介創造與防護]！

阿財：麼介安onˊ到doˊ[商品效用介創造與防護]呢?

阿德：莫湊deu緊！𠊎一個le一個來講！先講[效hauˋ用]！效用就係指[滿足慾iugˋ望]的nge程度有一大地ieˊ,越大越滿足就越滿意,效用就越大。

阿德：慾iugˋ望又係麼介啊iaˇ?

阿德：慾iugˋ望就係心肚裡所想所愛的ie東西與程度有多少大细。可比嘴燥zauˊ就想食茶,肚飢giˊ就想食飯！

阿財：寒人就想著zog加兜地veˊ衫褲fu係he無moˇ?

阿德：著cog啊gaˇ,商品效用就係商品能夠滿足慾望的nge大細se！也就像嘴越燥,就越愛食茶,食罅la了veˇ就唔想食,再強壓食,就會反ponˊ出來！

阿財：這同做生理liˊ製造商品又有麼介關係hen呢no?

阿德：當然有關係,老實唔怕講,做生理就係想辦法滿足消費者介慾望,能夠越使得越滿意,商品介效用也越大！

阿財：係he噢ioˊ！大家人相爭愛的ie東西就會排列來買！

阿德：故所,樣ngiongˋ地ngeˊ來創造也係增加[效用],在經濟學上來講,就係安到doˊ[生產]。

財嫂：生產就係供giung細se人仔neˊ！

阿德：哈哈哈！會謔nagˋ壞fai人噢noˊ！人家講生理你續sa愐menˋ對醫院去,還生趣了ieˊ！

阿財：這就安到[一踢三通,舌嫲舐seˊ鼻公]！

財嫂：老猴仔veˋ！愛較go差唔多兜deu ˊ地veˊ！𠊎就duˊ唔係[豬狗]哩liˋ！樣地ngeˊ係[舌麻舐seˊ鼻公] 啊ngaˇ！

阿財：𠊎心愛的ie姐jiaˋ仔,𠊎係學李文古講的nge,一時講啊nga忒tedˋ遽giagˋ了geˇ,失禮好無moˇ ?

財嫂：無發譴kienˋ, 續sa試cii古試義！

阿德：好好好！舌sad嫲同牙齒再好也會相咬ngauˊ！家和萬事興！𠊎來繼續xiug講[效用]介特性！

財嫂：好好好！請共快講！

阿德：先講[效用遞ti減]法則,就係指效用的nge大細會跈tenˇ等慾望的大細做相同的nge方向來做反比,像；肚渴hodˋ時,食第一口茶時的e感受當好,第二口茶時的感受就減少,到第五—六—十口,慢慢地neˊ減少到零慾望,以後再食就變[反效hauˋ用]。[當邊際效用為零時(如上喝到第十口,總效用最大)

阿財：這就係安到[屎多狗飽]哪naˊ！

財嫂：還屙oˊ巴baˇ地veˊ！人唔捧bungˋ茶食,唔講[屎多狗飽]！

阿財：嘎ga唔知麼manˋ人較go猴！𠊎講[屎多狗飽],你還講[屙oˊ巴baˇ地veˊ]！

阿德：啊aˋ！無禁gim無忌gi食百二ngi！

阿財：頭下所講[效用]介nge用意在奈naiˋ呢no ?

阿德：阿財！你有食過[養樂多]飲料無?佢giˇ等樣ngiongˋ會做恁細se罐裝,唔用大罐仔裝你知嗎?

阿財：係噢ioˊ！𠊎唔知diˊ！

阿德：該ge就係愛分人食了leˊ以後,口留香,下次還會再想食的le道理哪naˊ！

財嫂：著cog哪naˊ！像𠊎煮菜介量,煮到堵duˋ堵好又少一滴did滴地leˊ,一下地veˊ就貌mau淨淨,分人介ne口留香！下次還會再想食的le道理一樣！

阿德：好！再來講[效用介種類],大約分為[時間,形式,區域vedˋ]等三種效用。時間效用係指商品使用的時間做得提前也係延後,來提高也係保持效果,冷凍就係其中之一。

財嫂：像魚肉拿去冷凍見gian冰,保持新鮮係he無moˇ?

阿德：保溫保冷都係時間效用的nge一種。

阿財：噢oˋ！菁qiangˊ仔檳榔貴俗xiog差恁多,若係做得運用冷凍來調解,該ge就會大賺了neˇ啊iaˇ！

阿德：再講[形式效用],係指外表樣式做變化以後,增加效果用途,形款改變,本質無變,像一塊枋biongˊ仔做桌仔等等商品,產生各種用途效果的ve增加。

財嫂：像布料拿來做衫褲fu,係he[形式效用]係meˇ ?

阿德：係啦！一般用目珠看得neˋ到的ve商品,大部分都係運用[形式效用],再來簡單講[區域vedˋ效用]係指一般運輸交通事業,像農產品生產地在鄉下,應用交通來運到無生產的ne都市去賣。另外在建立工廠時,不但愛注意交通,也愛考慮原料介生產區地方,正做得節省運輸等等成本。

阿德：做麼介講[商品效用]又愛講成本呢?

財嫂：實在係大蕃薯噢voˊ！做生理就係算本賣貨,奈有人做生理打出本呢ne！

阿德：[做生理打出本]有是siiˇ有,該ge係在競爭市場肚裡為了愛佔有市場介一種暫qiam時性的ne手段。愛提高[商品效用]正有辦法佔有市場,所以為了提昇[商品效用]就愛耗hoˊ費成本來改善商品效用。

財嫂：阿德大師！唔係愛講[商品效用]介替ti代toi性嗄haˋ！

阿德：[商品效用]介替ti代toi性介嚴重性,有兩種商品因為[效用] 輸人輸啊va痶tiam痶,本來在市場上係鼎dinˋ鼎有名,一時出現新產品(功能性產品), 親像分人打落十八層地獄ngiug永不超生介商品。

阿財：係麼介商品呢?

阿德：一個係捽(自)cud來火(番仔neˋ火) ！

財嫂：𠊎知𠊎知！捽(自)cud來火箱仔ngeˋ上有兩猴仔介係嗎maˇ?

阿德：著cog著著！該ge就係當時最zui有名介台灣火柴caiˇ公司出品的ne, 在1960年時董事長講大話講：台灣全省介ne人口,人儕saˇ捽cud一枝,公司員工都會做死噢ioˊ！後來打火機一出現在市場！

阿財：有馬上現死係無moˇ ?

阿德：由於打火機一出現,捽cud來火介市場消失,這個值得大家在[商品效用]介設計與防護愛提高警覺！

阿財：[效用]介替代性,確實愛謹giunˋ慎siimˋ注意。

阿德：再講最近發生的翕hibˋ相介nge柯達公司,由傳統的nge底片變成唔使底片介數su位式翕hibˋ相機,柯達公司也馬上橫vang倒doˋ到do貼dabˋ貼,宣佈破產！

阿財&財嫂：阿姆meˊ噢ioˊ噢oˇ！台灣火柴caiˇ公司&柯達公司親像無兆diau無知分雷公敲kau到一樣現橫vang,還才過地veˊ！

阿德：所以在產品介ne講究,第一愛注意與講究[產品介ne功能性],也就係[產品效用]介講究,由以上所講兩個nge公司,就係[產品效用]分他人家替代去了ieˇ,正會橫vang忒hedˋ,尤其科技發達的今晡日,有人講;今晡日的新產品,可能係天光日的le[路邊貨],這就同[捽cud來火&打火機]等等一樣。話又講轉來,為人做事也係一樣樣,這就tu係he[一理徹底萬理通]介運用！

阿財&財嫂：承蒙阿德大師介e啟示金言！

阿財：上song日先生愛轉屋家時 𠊎向先生講啊nga忒tedˋ遽giagˋ了geˇ：愛行好噢voˊ!唔好moˋ衝zungˊ到doˋ樹頭噢voˊ!實在當失禮!請原諒! (衝zungˊ:乱撞,衝cungˊ:正向直衝)

—–以上共(27:24分)—–.

◇本文客語文(四縣腔)注解：

1.樣(仰)ngiongˋ會：怎麼會。生senˊ理liˊ：生意。2.係he唉aiˊ：是啊。滑vad流：流利。3.無moˇ唔著cog：沒有錯。兜地ve ˊ：一些。4.吂mangˇ亂：不要趕緊。顛dienˊ倒do頭：相反。5.嘎ga就tu：那就。譴kienˋ：生氣。6.斟ziimˊ茶：倒茶。惹ngiaˊ：你的。姐jiaˋ仔veˋ：太太。7.湊(鬥)deu搭dabˋ：合作。嘎ga無moˇ：若無。樂線：消遙。8.遽giag ˋ：快。湊deu緊：緊湊。著cog啊gaˇ：對呀。9.罅la：夠。反ponˊ：吐。供giung：生育。10.舌sad嫲maˇ：舌頭。豬狗：畜生。忒tedˋ遽giagˋ：太快。11.嘴燥zauˊ ：口乾。肚飢giˊ：肚子餓。係he無moˇ：是嗎。12.加兜地veˊ：加多點。試cii古試義：不正經。續s：反而。13.遞ti減gamˋ：逐漸少。跈tenˇ等：跟著。14.屎多狗飽：喻廢物。屙oˊ巴baˇ：糟糕。食百二：活120歲。15.堵duˋ堵好：剛剛好。貌mau淨淨：全盤照收。16.見gian冰：冰凍。菁qiangˊ仔：檳榔。俗xiog：便宜。17.目mugˋ珠：眼睛。枋biongˊ仔：木板。18.大蕃薯：笨蛋。耗hoˊ費：消耗。痶tiam痶：徹底。19.捽(自)cud來火(番仔neˋ火)：火柴。謹giunˋ慎siimˋ：小心。20.翕hibˋ相：照相。橫vang倒doˋ：倒下。貼dabˋ貼：貼地。 21.阿姆meˊ噢ioˊ噢oˇ ：我的媽呀。無兆diau無知：突如其來。22.才coiˇ過：可憐。橫vang忒hedˋ：倒閉。敲kau到：打到。23.老實唔怕講：坦白講出來, 不怕人家批評或指責。24.一理徹底萬理通：一個道理全通,則可推知通達其他道理。

25.本文中[啊,噢,個,的,介,地,了,得,仔]請參考[聯音字]用法。

===以上總共(34:00分)===

1▲打火機捽cudˋ仔leˋ火(番仔neˋ火)市場分打火機(Lighter)打橫vang 失忒市場

2▲算盤計算機除(加減乗sun除)以外還有多項功能

3▲手機仔除(火翕)hibˋ相以外還有通信連接電腦等等多項功能

4▲行銷-養樂多細罐裝分人(齒留香)合適喜宴一人一罐可口可樂(大罐装)眾人共下用

5▲行銷-籐椅黃籐削皮所紮籐椅[籐椅式管理論：有好憑ben(靠山),扶手(貴人),椅腳硬程(幕僚好)]

6▲行銷-冰箱(延長時間效用) 高鐡(縮短時間效用)

7▲◆阿廖伯專欄(四縣腔)【客家白話語文研究(錄讀音&文章篇)100篇(内含資料來源：連接網址)】→ https://youtube.com/playlist?list=PLa4jdY-zUDqq1XP9pozxEgHqT2pXsoiEB&si=B4lPndif8PvE6XJt (客家白話語文篇章錄音100篇)

===

8 ▲客家四縣腔聯音[聲母韻母與文字]建構分析, 韻母[e]聯音[實体]聯音只限上共8字如下,韻母[a&o]聯音字[虚字],只限上[啊,噢]。例:做zo的ve,食siid的le,㧡kaiˊ的ie,含hemˇ的me,看kon的ne,聽tangˊ的nge,合hab的be,(單音字:指zii的e,試cii的e,蒔sii的e)。(的:副詞)前接(形容詞抑係動詞),(個:單位名詞)前接(數詞或指示代名詞),(介:介系詞)前接(名詞或代名詞)。

※聯音不提倡：傳統語音(語音：聲韻調)&文字(文字：音義形)必失,不同族群&地方(語音&用字)多少有差別。聯音字語結構&讀法[大部分鄉親(知其所以不知其所以為然:慣用唔知來源)]。

◆聯音字語結構&讀法(如圖貳&參)[課文一字一語對照錄音]：客(四縣)聯音字語結構&讀法(17:18分)→https://drive.google.com/file/d/1hKBD79s0XqaOJOovxYJUGCnqGNmrnwA_/view?usp=sharing
◆不同(國家族群&地方)有不同(語音語意文義)介用法康熙字典屬華語用字&用語僅供客家參考運用。

※河洛語聯音:第一&二聲與客(四縣)聲母&聲調相同,例:烏o的ve,烏烏地veˊ。但第四韻母用(a:啊)聲調相同,例:牛ngu仔vaˋ,金gimˊ仔maˋ(明天:天光日(客),[明天:明minˇ仔na載zaiˇ(河洛:民視台版本)](河洛語聯音)。

====

==[客(四縣腔)語聯音拼音(m n ng b d g)由(韻母尾音)變成(聲母&單音)介讀法]==