[回顧複習報導90]◆660會將頸根[扌邦(拔)]bangˊ起來打死結介強霸無理的王員外　[課文一字一語(客四縣腔)(對照錄音&導讀)](訂正本)

【記者廖金明／專欄報導】

660強霸無理的王員外(課文一字一語對照錄音&導讀)(30：27分)→https://drive.google.com/file/d/1XA5S4WZBoWZVVzBCZP_N-gZgyhVG4_yA/view?usp=sharing

[本文]◆課文：在頭擺介ie擺頭,有一個相當有錢又有勢力的le王員外,佢giˇ在地方上song喝hodˋ一聲,山都會崩benˊ一角,所以地方上無半個ne人敢動佢一枝寒毛仔veˋ。雖然王員外恁anˋ有錢。但係he愛錢相似愛命一樣,講得係相當愛錢,有一段時間,伊iˇ 為了收田租地稅soi,每日都係在外地走上走下,家中變成無moˇ 人管作一樣樣,家肚裡的ie大細se,變怪的ie變怪,做猴的ve做猴。

過了veˇ一段時間歸來一看,唉aiˋ噯oiˋ！細se隻介妹仔ieˋ,雖然年紀數sii有廿歲了ieˇ！面色樣ngiongˋ會變到黃黃傷傷,恁壞看的ne面色呢noˋ？同時肚笥siiˋ肚裡又相似有豺saiˇ蟲樣iong地ngeˊ膨pong起來,王員外兩隻目珠盯dangˊ起來一看,眼火緊著cog,就將妹仔ieˋ介ie阿姆meˊ喊hemˊ來問清楚。伊介ie老婆一來到久久不見,又當惡ogˋ的ge老公面前時,心肚裡知得大事唔好了veˇ,所以歸身仔neˋ介ie冷汗,一陣又一陣緊流下來,王員外看到老婆這個ve樣式,也iaˊ係有[天知diˊ！地知！汝知！𠊎又係me知！] 的ie猜caiˊ想出來,王員外嗽cug了geˇ一聲就問：老猴[嬤maˇ]！𠊎出外收租恁久正zang歸來,家中大細se汝管教到樣ngiongˋ地ngeˊ啊iaˇ？這下細隻介妹仔,年紀已經有廿歲了ieˇ！何能肚笥siiˋ肚裡無成sangˇ係有豺蟲係he嗎maˇ？樣ngiongˋ會肚笥siiˋ變啊na大麻鼓guˋ隻,老實講分𠊎聽,係唔係有娠siinˊ了neˇ,噢oˋ！俗語所講：母娘總是詐za妺仔轉介ne！一些xidˋ都無爭zenˊ差。伊就透teuˋ了veˊ一下大氣,緩緩fon地neˊ來答：老公！妹仔今晡buˊ日驚寒,衫褲fu著zogˋ到有較go多些xidˋ把地veˊ！並唔mˇ係me肚笥大,講到面色壞faiˋ看,原來係汝ngˇ平常都係惡ogˋ人相。今晡buˊ日看到有恁惡的ge阿爸歸來,當然一時項hong項著cog急,驚怕怕地leˊ,唔知愛樣ngiongˋ地ngeˋ來服侍sii款待汝…。唉eˋ！王員外詳細同伊聽起來,這句話也係相當有一片道理,樣ngiongˋ(仰)地ngeˊ,就放伊一馬,算了neˇ。

但是過了veˇ一斬zamˋ時間以後,王員外緊ginˋ看緊唔著cog相,又來看到doˋ伊介ie妹仔肚笥又較go大起來了ieˇ,這下真係[紙包火唔住hed],騙唔到王員外了ieˇ。所以王員外就將牛藤tenˇ鞭bienˊ拿來一咻xiuˋ！這隻妹仔就雙腳落地ti跪下來,目mugˋ汁長目汁短,目汁淌dongˇ淌跌,王員外大聲一喝講；汝愛老實講分𠊎ngaiˇ 聽,汝肚笥肚裡的ie細se人仔係同麼manˋ人有的ve？若naˊ係汝唔講出來,肚笥肚裡的ie東西,會分𠊎打到溜liu胎toiˊ出來,同時分𠊎知得係奈nai隻後生仔畜cugˋ生sangˊ同汝有的,這隻後生仔連頸giangˋ筋都會分bunˊ𠊎[拔]bangˊ起來打死結…。

死了ieˊ！有恁惡的ge阿爸,唔同伊講,又會打溜liu胎toiˊ,同佢講,愛人介頸筋又會分佢[拔]bangˊ起來打死結,真係進退兩難。這細隻妹介目珠皮噭gieu到相似像相似牛目珠樣iong地ngeˊ,恁腫恁大,足jiugˋ足分王員外刑問了neˇ一日一夜。該ge暗晡仔veˋ, 伊iˇ介阿姆就偷偷地veˊ入來,同時獻hian計分伊介ie妹仔講：汝介nge阿爸係相當惡,麼magˋ介八大王爺伊都唔驚,獨獨淨qiang驚某某大法師一個le人,所以為了ieˇ一切,汝愛忍ngiunˊ耐nai！天光日汝就詐za事將情講：係同大法師有的,看佢愛樣ngiongˋ地ngeˊ來對付大法師,同時又做得保全肚笥siiˋ肚裡的細人仔。

第二日照計行事,這個可憐的ne細隻妺仔,就頭[犁laiˇ]犁地ieˊ來到王員外介ie面前,跪下來求情講：阿爸baˋ！阿爸！汝開講的nge條件恁嚴ngiamˇ,𠊎不得不將情講出來,同𠊎有的！同𠊎有的！就係汝平常最尊敬的ne某某大法師！。當王員外一聽到doˋ這句話,實在也唔敢相信,重頭再來問伊一句：確實係同大法師有的嗄haˋ﹗﹖答案也係相同講,就係大法師！王員外經過了veˇ第二句話再確實求證係同大法師有的,該ge時節王員外險險hiamˋ昏funˊ忒hedˋ！係同和voˇ尚仔ngeˋ大法師有的！和voˇ尚仔ngeˋ！和尚仔ngeˋ！汝真係大膽！敢[晡pu]到doˋ𠊎出外,就同𠊎介妹仔來搞到恁anˋ地neˊ！嚎hoˋ嚎嚎！王員外譴kienˋ到do右拳打左掌,緊捶cuiˇ心肝,眼珠譴kienˋ到do緊射火星仔neˋ！鼻公譴到緊出煙！算了neˊ！算了！大法師法術高強,同伊來鬥,可比biˋ雞卵lonˋ打石頭。王員外一些xidˋ都奈nai唔何佢。

又經過了veˇ一斬zamˋ時間,王員外介細隻妹仔肚笥終就瓜熟sug落log地,供giung了neˇ一位孲oˊ[砑]ngaˊ仔–供賴lai仔。王員外還係氣唔曾qienˇ落,同時為了面子介e問題,就將細人仔攬lamˋ去廟肚裡分大法師,當王員外一踏dab入落廟門口heuˋ時,大法師就出來迎ngiangˇ接,該ge時節一儕saˇ面當譴,一儕面帶笑容iungˇ來相對,王員外看到大法師時,就簡單講一句：這就係汝恁anˋ會！恁能幹的ne結果,送分汝來承siinˇ受su！將細人仔一掉tiauˋ,翻fanˊ頭就歸,大法師頭尾事情樣ngiong地ngeˊ完全都係不知diˊ,只有嘴上hong緊唸ngiam阿彌陀佛！阿彌陀佛！造孽ngiad！造孽！就將細人仔痛惜xiagˋ的ge收留接下育(hiugˋ)！

細隻妹仔經過了veˇ五六年結婚以後,細人仔介ie事情,從頭到尾一句話都唔敢洩xiedˋ漏leu出去,有一日伊介ie老公就問起以前愛情的ne結晶ginˊ奈nai裡去了ieˇ？王員外介妹仔就一五ngˋ一十siib講出來,係送去廟肚裡做細se和voˇ尚仔ngeˋ了ieˇ！男方知得了leˇ以後,心肝肚裡實在難過,痛苦萬分！萬分痛苦！兩人就商量將情講出來分bunˊ王員外丈人佬loˋ聽,王員外知得了leˇ以後,也係偷偷地veˊ去到廟肚裡打探tam偷看外孫仔–細和尚仔,果goˋ然ianˇ無moˇ唔mˇ著。該ge時節王員外介心肚裡,一時悲傷痛苦起來,冤ianˊ枉vongˋ了ngeˇ大法師一事,後來就大膽的me向大法師賠poiˇ罪,同時向大法師請罪問講：當時𠊎將細人仔送來的ie時節,𠊎問汝：係he唔係me汝同𠊎介ie妹仔有的ve？當時汝樣ngiongˋ半句話都唔講呢no？害𠊎冤ianˊ枉了ngeˇ汝！大法師謔nagˋ謔地geˊ講：阿彌陀佛！阿彌陀佛！當時𠊎係同汝講：唔係me𠊎！汝敢會來相信採納嗄haˋ！罪過！罪過！

從此以後,王員外認為有天大地大的ie冤枉了ngeˇ大法師,最後剃了liauˋ頭毛拜大法師為師父,歸裔iˊ拜佛做和voˇ尚。俗語一句；

偏見相對總是疑ngiˇ.

愛講分明萬分難.

事過境遷qienˊ回頭看.

柳暗am花明又一村。

確實係有影,一些xidˋ都無爭zenˊ差caˊ。

—奉勸世人千萬莫有[強霸無理的王員外主觀論斷害人害己,造孽ngiadˋ！造孽！造孽！造孽！]––

===

◆660強霸無理的王員外(課文一字一語對照錄音)(30：27分)→https://drive.google.com/file/d/1XA5S4WZBoWZVVzBCZP_N-gZgyhVG4_yA/view?usp=sharing

===

二.本文客語(四縣腔)注解：

1.頭擺baiˋ：古時候。文中開頭[頭擺聽講]作為開頭,即有杜撰或閒談的me意思。 2.𠊎ngaiˇ：我。佢giˇ：佢giˇ[男性],伊iˇ[女性]。 3.崩benˊ：泥土類塊狀斜倒。揜kiebˋ：竹架圓型類由上往下正倒。 4.寒毛仔veˋ：寒毛,比喻完全不敢動到任何一些。 5.走zeuˋ上走下：跑來跑去,很忙。走上唔走下：比喻遊手好閒的樣子。同[行上行下]意思些xidˋ把baˋ不同。[行]音(hangˇ,hen, hongˇ) 6.做猴的ve做猴：隨興去做,完全無任何的約束。做猴heuˇ ：糊搞亂搞。 7.唉aiˋ噯oiˊ：海陸腔的嘆詞[嘆詞是語言的一部份]。 8.年紀數sii：年紀歲數。 9.黃黃傷傷songˊ：有病面色難看 10.肚笥siiˋ肚裡：肚子裡面。 11.豺saiˇ蟲：蛔蟲。圖豺saiˊ：只顧自家食,唔分他人家食。 12.盯dangˊ：面向正前,眼珠向上直視。與視人,睞laiˋ人不同。 13.一喝hodˋ講：當受氣又大聲講。喝人,罵人,惡ogˋ人意不同。 14.無人管作：農家事的管理與種作。比喻無人管教。 15.眼火緊著cog：怒火一陣一陣起來。 16.天知diˊ！地知！汝知！𠊎又係me知！：喻公開大家都知的就秘密。 17.樣ngiongˋ地ngeˊ：怎麼樣地,情況如何。樣的nge：那一種的。 18.無爭zenˊ差caˊ：沒有什麼爭議差別。 19.丈人佬loˋ：岳父大人。丈人[哀oiˊ]：岳母.[哀oiˊ]字加女部首。目前丈[人]佬變音成丈明minˊ佬,丈人[哀oiˊ]變成[長尾哀]。 20.頸giangˋ筋(根)ginˊ：脖子。 21.淌淌dongˇ跌跌：一滴didˋ一滴流跌下來。 22.搖搖ieuˇ晃晃gongˇ：本詞句[搖]是指上面的搖動,下面的叫[晃],搖搖ieuˇ搖搖iag：左右上下搖動。晃晃gongˇ晃晃gong：下面的。 23.若naˊ係he：假如是。 24.奈nai唔mˇ何佢：對他無辦法。(辦法,法度,葛gadˋ煞sadˋ)。三種詞彙用意相同,原由比喻不同,[散]煞sadˋ愛加竹字頭。 25.些xidˋ把baiˋ地veˊ：有一點點。 26.有娠siinˊ：懷faiˇ孕inˋ。過身：去逝。 27.[拔bangˊ]起來打死結：[拔]起來繞一圈打結,[拔]是[邦bangˊ]加提手部。 28.老猴嫲maˇ：笑罵自家老婆。阿[嬤]ma：阿婆：祖母。 29.當譴kienˋ：相當受氣。 30.詐za事：欺騙故意做。 31.噭gieu：哭→有淚。叫gieu：非哭一類。 32.孲oˊ[砑]ngaˊ仔：指嬰兒。[砑]ngaˊ字是子部首。又音ngaˇ。 33.頭[犁犁laiˇ]：頭低低。[犁]字應用[賴]字加提手部首。 34.敢[晡pu]到doˋ：膽敢趁ciin機。[晡pu]是目部首。 35.嚎hoˋ嚎嚎！：有活該,該死的意思。 36.總是疑ngiˇ：總是唔相信又搭想其他的可能性。 37.境gin遷qienˊ：環境變遷不同。 38.八大王爺：指所有眾神。 39.無成sangˇ係he ：難道說是。無成唔係：難道說不是。 40.洩xiedˋ漏leu：不保密分人知得。洩有(xiedˋ,xied, xiab)等三音。 41.造孽ngiadˋ：製造業障zongˊ。北部[孽]ngiedˋ。孽生：帶頭做壞事者。42.有影iangˋ：真的。一些xidˋ：一點點。爭zenˊ差caˊ：差錯。

◆660強霸無理的王員外(課文一字一語對照錄音)(30：27分)→https://drive.google.com/file/d/1XA5S4WZBoWZVVzBCZP_N-gZgyhVG4_yA/view?usp=sharing

===

1▲唔ngˋ！肚笥肚裡的ie細se人仔係同麼人有的ve？若係汝唔講出來,肚笥肚裡的ie東西,會分𠊎打溜胎,同時分𠊎知得係奈隻後生仔有的ve,後生仔連頸根都會分𠊎[扌邦](拔)起來打死結…。

2▲阿姆meˊ[女哀]oiˊ噢(喲)ioˊ~！麽介唔講：會打到溜胎,講：又會將愛人介頸根[扌邦]起來打死結！[進！退！停！]三難！(無嫁人肚大驚人知禾voˇ仔ve擐kung胎驚風災)

3▲阿姆meˊ[女哀]oiˊ噢(喲)ioˊ~！麽介唔講：會打到溜胎,講：又會將愛人介頸根[扌邦]起來打死結！[進！退！停！]三難！

4▲好得大法師:分𠊎多一滴關心的me愛(黃品秀唱 04：11分)→https://drive.google.com/file/d/1RK__OPWcIfba2deGcq8So_3XzRn-SjAA/view?usp=sharing

===

◆阿廖伯聯音(union)客四縣白話語文聲母錄音(04：07分)→聲韻調 https://drive.google.com/file/d/1DMBLYwIAiMBpsrk3iKBgEh4lfselmPQP/view?usp=sharing (2022/10/15)

[e]韻母係用實體字(個,的,介,地,了,得,仔]才有[文義],[a]韻母用虛字(啊,也,抑)&[o]韻母用虛字(噢)→[語意]
===聯音字語,聲母[V,L,I,M,N,NG,G,B]&韻母[a,e,o]組合成各有九音,係客家白話美妙的語言===

1聯音字語：聲母[V,L,I,M,N,NG,G,B]&聯音韻母[a,e,o]組合成各有九音。

2聯音字語聲母[V,L,I,M,N,NG,G,B]同係聯音字語前 ‘—隻韻母尾音轉变過來,但(L,M,N,NG,G,B)韻母&聲母∵發音不同,華語音無音,如英文(on&no)n介發音不同。

3但聯音字語前 ‘—隻韻母尾音係(u,a,au,o]聯音字語聲母[ V ]。聯音字語前 ‘—隻韻母尾音係(ai,i,e],聯音字語聲母[ i ],客家白話美妙的語言。

4詳如：289◆阿廖伯在[六堆忠義祠]舉辦客語(四縣腔)[聯音(union)&用字]説明&錄製[聯音教學youtube 影集]義守大學推廣教育中心客家白話語文(youtube 07：25分)→https://www.youtube.com/watch?v=tjhqigIgflo

◇台灣客家電子報本文→ https://yuyuhakka.shop2000.com.tw/news/351318

◇[語音:(聲毋+韻母) 本音:只有單(韻母)音]

◆本音(只用韻母音) 語音(聲母+韻母音)

※除了veˇ聯音韻母(a e o)前係單音字(zii cii sii )以外(例:蒔sii了eˇ)用本音,其他一概koiˋ用語音(聲母+韻母音)(例:㧡kaiˊ了ieˇ)

Tags: 屏東時報