【客語文薈】 九月桃花開

文/李文煥（四縣腔）

今晡日在 Facebook，看著 Amy 分享个相片：厥屋下花園裡肚个桃樹，無想著在九月秋風起个時節，偷偷仔綻出粉紅个花苞。在植物生理學个角度來看，九月桃花開毋係麼個奇怪事，該係一種常見个「反季節開花」，安到「二次開花」。

桃樹个花芽通常在夏秋交接，就會分化完成，跈等會轉入休眠期過冬。若係遇到怪天時——比論講：連續落雨降溫後又忽然間轉熱；抑係秋天堵著風搓、病蟲害搣到葉仔㪐淨淨，花芽就會在毋著个時節分醒、暴芽開花。這種二次開花看起來雖然靚，毋過佢會消耗忒樹仔過冬个養份，顛倒會誤著來年个生長同結子。

看著相片肚該蕊反季節个桃花， 腦膈肚浮起老古人言：「人順天理，地順地理」。植物二次開花，違背了自然規律；假使摎「二次開花」徙到人个婚姻感情頂項來看，第二擺結婚，現下社會大體仔係祝福，還過會講該係「梅開二度」，尋著第二隻春天。毋過，婚姻肚个「二次開花」，敢正經係好事喺？

假使係在第一段婚姻裡肚，公婆一儕不幸過身，抑係堵著對方不格來離緣，經過傷痛後重新尋著牽手做伴个人，這份勇敢，自然值得大家真心祝福。但係另一種情況僫 俚應當愛反省：若係在原旦个婚姻裡肚，因為一時个魯夫、抑係花螺心，儘採攉忒原旦个約束，離婚無幾久，就煞煞尋下一隻「春天」，這種二次開花，到底係生命个解脫，抑係對責任个走閃？

客家長輩輒常講：「家和萬事興，船和出重洋」，婚姻本來就需要兩儕共下經營同包容。 在教育界服務多年，時常在學生仔个家庭，看著這下社會个惡症。臺灣个離婚率緊來緊高，行入教室，目珠一睞，來自單親家庭、重組家庭个比率當高。見擺堵著細人仔因為家庭變故產生个問題時， 輒輒在想：「唉！仰結煞！這隻社會个價值觀正經病到當傷重。」

老古人言：「修樹愛修根，教人愛教心」。 俚在追求個人幸福个同時，係毋係添放忒對婚姻个應承摎對下一代个責任？植物反季節開花，係因為受著外背環境變化个刺激，強行開花个代價係傷著自家个根本； 人若係單淨顧追求個人感情个「二次開花」，看輕了對家庭个護持，該離婚个代價，往往係無辜个細人仔在承受。

秋天个桃花雖然驚艷，但係順應時節，正做得在來年个春日結出甜美个果子。看待感情同婚姻， 俚應當乜愛多一息仔耐性、多一份堅定，順天時、守本份，莫分「天年倒貶，朳仔打牛眼」个開花，變成心靈摎社會个負擔。

【華譯】九月桃花開

今天在 Facebook 上，看到 Amy 分享的照片：她家花園裡的桃樹，沒想到在九月秋風起的時節，偷偷地綻放出粉紅色的花苞。從植物生理學的角度來看，九月桃花開並不是什麼奇怪的事，那是一種常見的「反季節開花」，又叫做「二次開花」。

桃樹的花芽通常在夏秋交接之際就會分化完成，接著會進入休眠期過冬。如果是遇到異常的天氣——比方說：連續下雨降溫後又突然間轉熱；或者是秋天遇到颱風、病蟲害把葉子弄得掉光光，花芽就會在不對的時節被喚醒、發芽開花。這種二次開花看起來雖然美麗，不過它會消耗掉樹木過冬的養分，反而會耽誤了來年的生長與結果。

看到照片裡那一朵反季節的桃花，我的腦海裡浮現出古人常說的：「人順天理，地順地理」。植物二次開花，違背了自然規律；如果把「二次開花」轉移到人的婚姻感情上來看，第二次結婚，現在社會大抵上是祝福，而且會說是「梅開二度」，找到了第二個春天。不過，婚姻裡的「二次開花」，真的會是好事嗎？

如果是第一段婚姻中，夫妻其中一方不幸過世，或是遇到了不良的另一半而離異，經過傷痛後重新找到牽手陪伴的人，這份勇敢，自然值得大家真心祝福。但是另一種情況我們則應該要反省：如果在原本的婚姻裡，因為一時的衝動魯莽、或是花心（不安分），隨意拋棄了原本的約束，離婚沒多久，就急著尋找下一個「春天」，這種二次開花，到底是的生命的解脫，還是對責任的逃避？

客家長輩常常講：「家和萬事興，船和出重洋」，婚姻本來就需要兩個人一起經營與包容。我在教育界服務多年，時常在學生的家庭中，看到當今社會的病態。臺灣的離婚率越來越高，走進教室，眼睛一掃，來自單親家庭、重組家庭的孩子比例非常高。每次遇到孩子因為家庭變故而產生問題時，我總是在想：「唉！該怎麼辦！這個社會的價值觀真的病得非常嚴重。」

俗話說：「修樹要修根，教人要教心」。我們在追求個人幸福的同時，是不是拋棄了對婚姻的承諾以及對下一代的責任？植物反季節開花，是因為受到了外界環境變化的刺激，強行開花的代價是傷害了自己的根本；我們人如果只顧著追求個人感情的「二次開花」，看輕了對家庭的守護，那離婚的代價，往往是由無辜的孩子在承受。

秋天的桃花雖然令人驚艷，但是順應時節，才能在來年的春日結出甜美的果實。看待感情與婚姻，我們也應該要多一點耐性、多一份堅定，順應天時、恪守本分，別讓「氣候反常」的開花，變成心靈與社會的負擔。

【作者簡介】

李文煥／國立臺南大學特殊教育學博士，現任苗栗國中資深特殊教育教師，具客語薪傳師資格（語言類、文學類）。長期關注教育政策、特殊教育、客家文化發展與客語文學創作，並關注社會福利、勞動平權及弱勢權益等議題。